Zëvendësrektori për Kërkimin dhe Marrëdhëniet me Jashtë, dr. Benita Stavre theksoi edhe njëherë workshop-i do të mbahet si një qasje më e mirë praktike, duke marrë parasysh Bashkëpunimin Virtual. Kjo qasje lejon transferimin e drejtpërdrejtë të elementeve të përzgjedhur të Mësimit Virtual Bashkëpunues në praktika mësimore të stafit akademik, pjesëmarrës në institucionet e tyre të përkatëse.
Tema e parë e trajnimit, i cili u organizua nga International School for Social and Business Studies, Slloveni: “Trajnim mbi Sigurimin e cilësisë në AL dhe sfidat e vetëvlerësimit të institucioneve të AL” nga dr. Nada Trunk Sirca. Më pas, dr. Ales Trunk referoi temën “Trajnim mbi mundësitë e botimit dhe organizimin e konferencave shkencore ndërkombëtare”, ndërsa msc. Anica Novac u ndal në “Trajnim për sigurimin e cilësisë në Arsimin e Lartë, programet e diplomës, të mësuarit gjatë gjithë jetës dhe mikrokredencialet, njohja e njohurive dhe aftësive në AL”.
