Në datat 7-10 qershor 2021, Universiteti “Fan S. Noli”, Korçë i përfaqësuar nga pedagogët e Fakultetit të Edukimit dhe Filologjisë, dr. Erinda Papa, dhe dr. Alda Cicko morrën pjesë në trajnimin mbi hartimin e projekt propozimeve dhe zhvillimin cilësor të bashkëpunimit dhe menaxhimit ndërkombëtar, në kuadër të projektit QUADIC, organizuar nga Universiteti “Aleksander Moisiu” Durrës. Qëllimi kryesor i trajnimit ishte ngritja e kapaciteteve për bashkëpunim ndërkombëtar dhe hartimi i projekt propozimeve. Krahas prezantimeve nga koordinatorët e projekteve, u diskutuan dhe ide në lidhje me projekte të përbashkëta, rolin dhe përgjegjësitë e partnerëve në to.