6 janar 2025-Fillimi i këtij viti për drejtuesit e rinj të Këshillit Studentor të Universitetit “Fan S. Noli” nisi me takimin e zhvilluar në mjediset e Rektoratit me rektorin e Universitetit “Fan S. Noli”, prof. dr. Lorenc Ekonomi, duke shënuar kështu edhe fillimin e punës së tyre në këtë mandat 2-vjeçar.

Ndërsa u uroi suksese në punën e tyre gjatë këtij mandati, Rektori, shprehu mbështetjen e tij për nismat studentore jo vetëm në fushën studimore, por edhe në atë jashtëkurrikulare, duke theksuar rëndësinë e bashkëpunimit për të avancuar interesat e studentëve si në aspektin mësimor, ashtu edhe në veprimtari sociale dhe profesionale që kontribuojnë në formimin e tyre të gjithanshëm.

Ky takim dhe të tjera që do të pasojnë i shërbejnë përmbushjes së misionit të përbashkët për të krijuar një mjedis universitar sa më gjithëpërfshirës dhe frytdhënës për të gjithë studentët.