Në datën 28 mars 2025 në Fakultetin e Shkencave Natyrore dhe Shkencave Humane u prezantua studimi “Sinergjia mes Sistemeve Moderne të Informacionit dhe Inteligjencës Artificiale: Ndikimi i Tyre në Transformimin e Arsimit dhe Bizneseve Lokale në Rajonin e Korçës”.

Ky studim synon të vlerësojë perceptimin e studentëve të ciklit të parë dhe të dytë në departamentin e Informatikës, departamentin e Menaxhimit dhe departamentin e Financë-Kontabilitet mbi sistemet e mësimdhënies dhe përdorimin e teknologjive të reja, si Inteligjenca Artificiale dhe Blockchain.

Pas analizës së këtyre perceptimeve, do të realizohen anketime me bizneset e rajonit të Korçës për të kuptuar teknologjitë që ato përdorin në menaxhimin e të dhënave. Studimi gjithashtu synon të aftësojë studentët në zhvillimin e mini-programeve kompjuterike, duke i përgatitur ata për tregun e punës dhe sektorin dixhital.