Në datën 17 janar 2025, në mjediset e Universitetit “Fan S. Noli” u zhvillua një takim në të cilin studentet ndanë me bashkëmoshatarët këto përvoja të veçanta pas vizitës në Universitetin e Donja Goric-ës dhe Digital Den Hub në Mal të Zi, në kuadër të projekti Erasmus+ CBHE, SMART.

Për studentët e pranishëm në takim, vajzat treguan njohuritë e reja që përfituan në veprimtari të ndryshme, ku morën pjesë, trajnimet, orët e hapura, si dhe për njohjet e reja dhe shkëmbimin kulturor me bashkëmoshatarët atje dhe me stafin akademik, duke i vlerësuar mjaft të rëndësishme për karrierën e tyre si studentë dhe jo vetëm.

Takimin e përshëndetën edhe prof. as. dr. Ledina Alolli, dekane e FE dhe prof. as. dr. Benita Stavre, koordinatore e projektit, të cilat inkurajuan edhe studentët e tjerë që të përfshihen në trajnime dhe workshope që zhvillohen jo vetëm nga Qendra Inovative SMART, por edhe në të tjera mundësi që ofron Univeristeti ynë nëpërmjet mobiliteteve Erasmus+ me universitete të ndryshme në Evropë.