Në datën 28 shkurt 2025 në Fakultetin e Ekonomisë, Universiteti “Fan S. Noli” vijoi punimet në ditën saj të dytë, konferenca “University to Society Collaborations for Inclusive Digital Transformation in the Western Balkans”, U2SID, ku studentët të ndarë në skuadra treguan rastet e tyre studimore dhe ndanë praktikat më të mira.

Projektet studentore nga Universiteti “Luigj Gurakuqi”, Shkodër dhe Universiteti dhe “Fan S. Noli”, nxorrën në pah zgjidhjet inovative digjitale siç është gjurmimi i produkteve në zinxhirin e furnizimit dhe aplikacionin CITY SPHERE, që lidh universitetet me tregun e punës.

Prezantimet e projekteve studentore nga Universiteti i Malit të Zi, Universiteti “Luigj Gurakuqi” dhe Universiteti Mesdhetar, trajtuan tema si angazhimi i të rinjve në evente kulturore dhe sportive, identifikimi i pjesëmarrësve për programet e zhvillimit dhe transformimi digjital në sektorët e transportit dhe turizmit.

Grupi i prezantuesve nga Universiteti i Podgoricës, nga Universiteti “Luigj Gurakuqi” dhe Universiteti Mesdhetar paraqiten praktikat më të mira dhe mësimet e nxjerra nga partnerët e U2SID në lidhje me sfidat e transformimit digjital.

Gjatë takimit për të gjithë studentët referues u ndanë certifikata pjesëmarrjeje.