Si anëtare e Coimbra Group of Universities, Universiteti Alexandru Ioan Cuza në Ias, Rumani ka hapur thirrjen për vizita afatshkurtëra (1-3 muaj) për kërkuesit e rinj. Qëllimi kryesor i këtij programi bursash është t’ju mundësojë studiuesve të ndërmarrin kërkime në vijim të angazhimit akademik në universitetin e tyre si dhe t’i ndihmojë të krijojnë kontakte akademike dhe kërkimore nëpër Evropë.

Bursat mbështeten financiarisht nga universitetet anëtare të Grupit Coimbra.

Kriteret e pranueshmërisë për aplikantët:

• Të kenë lindur më ose pas 1 janarit 1990.
• Të jenë shtetas shqiptarë dhe banorë në vendin e shtetësisë.
• Të jenë aktualisht pjesë e stafit akademik të universitetit ose të një institucioni ekuivalent të arsimit të lartë në Shqipëri.
• Të gëzojnë statusin postdoktoral ose ekuivalent, megjithëse disa institucione mund të ofrojnë mundësi edhe për studentët doktoralë.
• Të zotërojën një letër/email pranues nga tutori/supervizori me të cilin do të zhvillojnë programin e punës në institucionin pritës. Ky është një dokument i detyrueshëm.
• Të përdorin procesin elektronik të aplikimit të zyrës së Grupit Coimbra (ose paraprakisht adresën elektronike të poshtë-shënuar).
• Të aplikojnë për një universitet të vetëm, pasi aplikimet e shumta nuk konsiderohen të vlefshme.
• Të dorëzojnë të gjitha informacionet në gjuhën angleze.

Më shumë informacion rreth thirrjes mund të gjeni në këtë lidhje: European Neighbourhood | Coimbra.

Në mbështetje të Programit të Bursave, Universiteti Alexandru Ioan Cuza në Ias, Rumani fton të gjithë aplikantët e interesuar të dërgojnë një CV dhe një propozim kërkimi në adresën elektronike: ioana.serafinceanu@uaic.ro, përpara datës 24 mars 2025.