Në datën 12 shkurt 2025 dekani i Fakultetit të Shkencave Natyrore dhe Shkencave Humane, prof. as. dr. Rafail Prodani zhvilloi një takim me prof. as. dr. Anjeza Pasku, dekane e Fakultetit të Teknologjisë së Informacionit, UAMD dhe me përfaqësuesin e Universitetit Magna Graecia të Catanzaro-s, Itali, prof. asoc. Salvatore Andrea Pullano.

Diskutimi, i cili u zhvillua online kishte në fokus hapjen e një programi të përbashkët studimi në nivel doktorature, për t`u dhënë mundësi të reja studentëve dhe kërkuesve shkencorë në fusha të tilla, si: Inteligjenca Artificiale, Cloud Computing dhe Modelet Matematikore në Mjekësi etj.

Sipas dekanit të FSHNH, prof. as. Rafail Prodani ky është një hap i rëndësishëm për forcimin e bashkëpunimit ndërinstitucional dhe, njëkohësisht ndihmon në zhvillimin e arsimit të lartë dhe kërkimit shkencor në Shqipëri.