Në datën 29 janar 2025 në Universitetin “Aleksandër Moisiu”, Durrës në prani të përfaqësuesve nga të gjitha universitetet partnere, mes tyre edhe Universiteti “Fan S. Noli” u zhvillua takimi hapës në kuadër të projektit Erasmus+ “Blended Education in Western Balkans Universities”, BEWBU (Mësimdhënia e Kombinuar në Universitetet e Ballkanit Perëndimor).

Projekti BEWBU synon të rrisë aftësitë e mësimdhënësve, si dhe të përmirësojë kompetencat pedagogjike të arsimit të lartë përmes integrimit të mësimit të kombinuar në kurrikulat univeristare të Ballkanit Perëndimor. Fokusi është zhvillimi i kapacitetit pedagogjik dhe dixhital në arsimin e lartë përmes integrimit të Arsimit të Lartë në programet arsimore të IAL-ve të Ballkanit Perëndimor, si një domosdoshmëri për mësuesit e ardhshëm të Epokës Dixhitale dhe angazhimin e tyre në tregun rajonal dhe evropian të punës.

Zbatimi i praktikës pedagogjike në programet mësimore të partnerëve të Ballkanit Perëndimor ndikon drejtpërdrejt në sistemin arsimor parauniversitar, duke përgatitur studentët/mësuesit e së ardhmes me aftësinë për të kuptuar dhe zbatuar qasjen e të nxënit të përzier (BL) dhe të mësimdhënies së përzier (BT) në profesionin e tyre.

Takimin e përshëndetën prof. dr. Shkëlqim Fortuzi, rektor i UAMD; prof. i asociuar dr. Gunnar Peterson, përfaqësues i Partnerëve të BE-së; prof. dr. Tamara Pribisev Beleslin, përfaqësuese e Partnerëve të WB-së. Njëkohësisht falënderime u përcollën edhe për përfaqësuesit e institucioneve partnere, të cilët prezantuan paketat e tyre të punës dhe planet e veprimit.