Në datën 28 mars 2025 në departamentin e Shkencave Sociale, Fakulteti i Shkencave Natyrore dhe Shkencave Humane u prezantua projekti kërkimor: “Migrimi potencial i banorëve nga rajoni i Korçës” (Studimi i përmasave të migrimit të mundshëm të banorëve nga rajoni i Korçës dhe analizimi i impaktit të tij për rajonin) me koordinator dr. Denisa Titili.

Ky projekt kërkimor ka si qëllim të ofrojë një sistem të integruar të dhënash rreth tendencave për migrim të banorëve nga rajoni i Korçës, i cili do të ndihmojë institucionet vendore në orientimin dhe planifikimin e politikave më efektive për të përballuar sfidat e migrimit dhe zhvillimit rajonal në të ardhmen.

Projekti ofron një qasje ndërdisiplinare në studimin dhe analizimin e dukurisë në fokus të tij.