Bazuar në urdhërin nr. 356, dt. 11.7.2024 të Ministrisë së Arsimit dhe Sportit, Universiteti “Fan S. Noli” njofton hapjen e programit të të përbashkët të studimit të ciklit të parë “Bachelor” në “Inxhinieri Informatike”.
Programi “Bachelor” në “Inxhinieri Informatike” zhvillohet me kohëzgjatje 3 vite akademike (6 semestra), në gjuhën shqipe, me formë studimi me kohë të plotë.
Në përfundim të këtij programi studimi lëshohet diplomë e dyfishtë “Bachelor” në “Inxhinieri Informatike” në Fakultetin e Shkencave të Natyrës dhe Shkencave Humane të Universitetit “Fan S. Noli” dhe fakultetit respektiv në Universitetin Politeknik të Tiranës.
Studenti i diplomuar në këtë program studimi mund të punojë:
- Si specialist në administratën publike;
- Në mjediset e informatikës apo të teknologjisë së informacionit, industrinë e teknologjisë;
- Në institucionet private;
- Në kompani implementimi zgjidhjesh informatike;
- Në institucione bankare, telekomunikacion, shëndetësore;
- Në ndërmarrje të ndryshme ekonomike;
- Në administrimin e rrjeteve, sigurisë kibernetike dhe analizës së sistemeve kompjuterike;
- Në projektimin, zhvillimin dhe zbatimin e aplikacioneve dhe sistemeve të softuerit me të fundit;
- Në inteligjencën artificiale, machine learning dhe analizën e të dhënave;
- Si menaxher i projekteve të IT.
Ftojmë të gjithë të interesuarit e tjerë të aplikojnë në këtë program të ri studimi!
Ju mirëpresim!
