Bazuar ne VKM Nr. 269, date 29.03.2017 “PËR PËRCAKTIMIN E KATEGORIVE TË INDIVIDËVE QË PLOTËSOJNË KRITERET E PRANIMIT NË NJË PROGRAM TË CIKLIT TË PARË TË STUDIMEVE, NË NJË PROGRAM TË INTEGRUAR TË STUDIMEVE OSE NË NJË PROGRAM TË STUDIMEVE PROFESIONALE, QË PËRJASHTOHEN NGA TARIFA VJETORE E SHKOLLIMIT (Ndryshuar me VKM nr. 698, datë 21.11.2018; nr. 779, datë 26.12.2018; nr. 40, datë 23.1.2019; nr. 251, date 27.3.2020), i ndryshuar, njoftojme se:

Studentët aplikojnë për përjashtim nga tarifat, sipas kritereve të përcaktuara në këtë vendim, me dokumentacionin provues të plotësimit të kritereve në momentin e regjistrimit pranë institucioneve publike të arsimit të lartë ose në momentin që plotësojnë kriteret, sipas këtij vendimi, prane Sekretarive te Departamenteve ne fakultetin e tyre.

KATEGORITE PERFITUESE

1. Studente me note mesatare vjetore 9 deri ne 10

a) Studentët e pranuar në vitin e parë akademik, në programet e studimeve profesionale, programet e ciklit të parë të studimeve dhe në programet e integruara të studimeve në institucionet publike të arsimit të lartë, me notë mesatare vjetore nga 9 (nëntë) deri në 10 (dhjetë), nga sistemi i arsimit të mesëm të lartë, që përllogaritet si mesatare e thjeshtë e këtyre treguesve:

• • mesatarja aritmetike e thjeshtë e notave përfundimtare vjetore të lëndëve për të gjitha vitet e shkollimit në arsimin emesëm të lartë;
  • mesatarja aritmetike e thjeshtë e notave të provimeve të Maturës Shtetërore.

b) Studentët e regjistruar në programet e studimeve profesionale, programet e ciklit të parë të studimeve, programet e integruara të studimeve në institucionet publike të arsimit të lartë, në vitet pas të parit, me notë mesatare vjetore të ponderuar nga 9 (nëntë) deri në 10 (dhjetë) të vitit paraardhës akademik, të përllogaritur me kreditet dhe notat e atij vititakademik, nga institucionet publike të arsimit të lartë. Studentët duhet të kenë shlyer të gjitha detyrimet e vitit paraardhës akademik, për të cilin llogaritet nota mesatare vjetore e ponderuar.

2. Studente qe u perkasin shtresave sociale ne nevoje

• studentet, familjet e te cileve trajtohen me ndihme ekonomike;
• bashkëshortët, të cilët kanë fëmijë dhe janë të dy studentë;
• studentët, persona me aftësi të kufizuara, të vërtetuar nga Komisioni Mjekësor i Caktimit të Aftësisë për Punë, përfitues të pagesës së aftësisë së kufizuar;
• studentët, të cilët kanë, të paktën, njërin prind person me aftësi të kufizuara, të vërtetuar nga Komisioni Mjekësor I Caktimit të Aftësisë për Punë, përfitues të pagesës së aftësisë së kufizuar;
• studentët, të cilët i kanë të dy prindërit pensionistë ose njërin prind pensionist dhe prindi tjetër nuk jeton;
• studentët, të cilët janë të tretët e lart në radhën e fëmijëve në familje me tre fëmijë a më shumë, nga të cilët dy të parët janë studentë në institucionet publike të arsimit të lartë;
• studentët, të cilët kanë përfituar statusin e jetimit, deri në moshën 25 vjeç;
• studentët, të cilët kanë humbur kujdestarinë prindërore me vendim gjykate të formës së prerë, deri në moshën 25 vjeç;
• studentët, të cilët janë identifikuar si viktima të trafikut të qenieve njerëzore dhe kanë përfituar statusin ligjor për trajtim si viktima të trafikut të qenieve njerëzore, deri në moshën 25 vjeç;
• studentët, të cilët janë fëmijë të punonjësve të Policisë së Shtetit, të Gardës së Republikës, të Shërbimit për Çështjet e Brendshme dhe Ankesat, të Shërbimit të Mbrojtjes nga Zjarri dhe Shpëtimin, të Forcave të Armatosura, të Shërbimit Informativ të Shtetit dhe të Policisë së Burgjeve, që kanë humbur jetën në krye dhe për shkak të detyrës;
• studentët romë dhe egjiptianë, të cilët do të identifikohen nëpërmjet vetëdeklarimit;
• studentët, fëmijë të ish-të dënuarve dhe të përndjekurve politikë nga sistemi komunist ose fëmijë me prindër të dënuar politikë me heqje lirie.

Dokumentacioni i dorezuar duhet te jete sipas legjislacionit shqiptar ne fuqi, pa korrigjime, origjinal ose fotokopje te noterizuara.

Per informacion ne te detajuar, paqartesi apo sqarime ne lidhje me sa me siper lutemi drejtohuni prane Sekretarive te Departamenteve te fakulteteve perkatese.

Aplikimet per burse kryhen prane Sekretarive te Separtamenteve te cdo fakulteti.

FORMULARI APLIKIMI PËR PËRJASHTIM NGA TARIFA VJETORE E STUDIMIT (NE TE CILIN SPECIFIKOHET DHE DOKUMENTACIONI I CILI DUHET DOREZUAR BASHKENGJITUR APLIKIMIT) MUND TE SHKARKOHET KETU.