National University of Science and Technology Politehnica Bucharest organizon në datat 7-12 korrik 2025 Universitetin Veror të Frankofonisë, në të cilën fton për pjesëmarrje të rinj të moshës 20-28 vjeç që jetojnë në Evropën Qëndrore dhe Lindore dhe kanë interes në marrëdhëniet ndërkombëtare dhe gjuhën franceze.

Kjo është mundësi unike që studentët të zhvillojnë rrjetin e tyre dhe të shkëmbejnë ide me të rinj të tjerë frankofonë mbi tema, si: marrëdhëniet ndërkombëtare, frankofonia, diplomacia, barazia gjinore, inteligjenca artificiale, negocimi, etj. Gjithashtu, ata do të kenë mundësi të njohin Bukureshtin, qytetin më të madh frankofon në rajon.

Kushtet e pjesëmarrjes për të rinjtë:

• Të jenë studentë ose profesionistë të rinj (të diplomuar në vitin 2023 ose 2024), në fusha si: marrëdhëniet ndërkombëtare, shkenca politike, gazetari, përkthim, ligj;
• Të kenë njohuri të frëngjishtes në nivelin B2;
• Të jenë të moshës 20-28 vjeç ditën e parë të universitetit veror;
• Të jenë shtetas të Shqipërisë, Kosovës, Maqedonisë Veriore, etj.

Për pjesëmarrje, ju duhet të:

• Plotësoni formularin e regjistrimit (mos harroni të bashkëngjisni CV-në dhe një letër motivimi);
• Dorëzoni një çertifikatë të regjistrimit në universitet, të vlefshme për vitin akademik 2024-2025, ose diplomën e marrë në vitin 2024 ose 2023, së bashku me përkthimin në frëngjisht;
• Dërgoni një kopje të pasaportës (do të përdoret për rezervimin e biletës tuaj të avionit apo trenit);
• (opsionale) Bashkëngjisni një çertifikatë të gjuhës frënge (si DELF B2, DALF, DFP ose ndonjë çertifikatë tjetër zyrtare). Mund të zhvillohet një intervistë me gojë për të vërtetuar nivelin tuaj të gjuhës frënge.

OIF (Organizata Ndërkombëtare e Frankofonisë) dhe National University of Science and Technology Politehnica Bucharest do të mbulojnë:

• Biletën e avionit ose trenit mes Tiranës dhe Bukureshtit;
• Sigurimin e udhëtimit;
• Akomodimin në një dhomë teke ose dyshe në Maison de la Francophonie në kampusin e Politehnica Bukuresht;
• Mëngjeset, drekat dhe darkat nga e hëna e 7 korrikut deri të shtunën e 12 korrikut;
• Ekskursione kulturore.

Dërgoni aplikimin tuaj përpara datës 25 prill 2025 në lidhjen: MFR :: Francophone Summer University “International Relations” 2025.

Nëse keni pyetje lidhur me Francophone Summer University “International Relations” 2025 mund të kontaktoni: Mathilde Landier (mathilde.landier@francophonie.org) ose Luciana Mihai (luciana.mihai@upb.ro).

Nëse keni nevojë për mbështetjen e stafit administrativ të UNIKO për kryerjen e aplikimit, mund të kontaktoni në adresën elektronike: tkita@unkorce.edu.al.

Ju faleminderit!