FAKULTETI I BUJQËSISË
Historiku
Fakulteti i Bujqësisë është në vazhdim të traditës së krijuar nga Instituti i Lartë Bujqësor, i cili u çel në 15 Qershor të vitit 1971. Pas çeljes së Universitetit të Korçës (me VKM Nr. 5 datë 7 janar 1992), ai ishte një prej tre njësive kryesore të tij, me emërtimin “Fakulteti i Bujqësisë”. Ky Fakultet me përvojë 50-vjeçare ka rinovuar vazhdimisht programet e studimit dhe ka përmirësuar kurrikulat e tij.
Në vitin 1992 u çel programi i studimit “Inxhinieri Agronomike” me afat studimi 4-5 vjet me dy profile: “Profili Agroushqim” dhe “Profili Hortikulturë”.
Në vitin 2005 programi i studimit “Inxhinieri Agronomike” profili Agroushqim, u riorganizua si program i studimit të ciklit të parë “Agroushqim” me afat studimi 3 vjet me 180 kredite.
Në vitin 2003 u hap programi i studimit të ciklit të parë “Agrobiznes” me afat studimi 4 vjet me 240 kredite, i cili u riorganizua në vitin 2005 me afat studimi 3 vjet me 180 kredite.
Në vitin 2004 u hap programi i studimit të ciklit të parë “Hortikulturë” me afat studimi 3 vjet me 180 kredite.
Në vitin 2008 u hap programi i studimit “Master i Nivelit të Parë” në “Zhvillim i Integruar Rural”, me afat studimi një vit. Në vitin 2018, ky program studimi u riorganizua me 60 kredite.
Në vitin 2009 u hap programi i studimit “Teknologji e Prodhimit Bimor” me afat studimi 3 vjet, me 180 kredite.
Në vitin 2011 në Fakultetin e Bujqësisë u hap programi i studimit të ciklit të tretë (Doktoraturë) në “Hortikulturë të Qëndrueshme”
Në vitin 2012 u hap programi i studimit të ciklit të dytë “Master i Shkencave” në “Mjekësi Bimore” me afat studimi 2 vjet me 120 kredite.
Në vitin 2013 u riorganizua programi i studimit të ciklit të parë “Hortikulturë” në “Mjekësi e Bimëve dhe Hortikulturë” me afat studimi 3 vjet me 180 kredite.
Në vitin 2015 u riorganizua programi i studimit “Teknologji e Prodhimit Bimor” në “Inxhinieri Agronomike” me afat studimi 3 vjet me 180 kredite.
Për vtin akademik 2019-2020 Fakulteti i Bujqësisë ofron këto programe studimi:
Cikli i parë:
- “Bachelor” në “Agroushqim”
- “Bachelor” në “Agrobiznes”
- “Bachelor” në “Mjekësi e Bimëve dhe Hortikulturë”
- “Bachelor” në “Inxhinieri Agronomike”
Programe profesionale 2-vjeçare:
- “Menaxhim Biznesi Bujqësor”
- “Menaxhim Veterinar”
- “Teknika të prodhimit të farave dhe fidanëve”
Cikli i dytë, “Master profesional” në:
- “Zhvillim i Integruar Rural”
- “Cilësia dhe Siguria Ushqimore”
- “Inxhinieri Agrare, Profili Hortikulturë”
Doktoraturë:
- “Hortikulturë e qëndrueshme”
Nga pikëpamja organizative, Fakulteti i Bujqësisë përbëhet nga tre departamente:
- Departamenti i Agronomisë
- Departamenti i Agrobiznesit
- Departamenti i Agroushqimit
Ky fakultet ka një infastrukturë mësimore e didaktike të përshtatshme për zhvillimin e mësimit bashkëkohor, si dhe është i pajisur me një bazë laboratorësh mësimorë e shkencorë. Konkretisht si më poshtë:
- Laboratori i Agroushqimit. Pajisjet prodhim i vitit 2010. Ku bëhet kryerja e analizës së substancave të ndryshme ushqimore dhe blegtorale. Përdoret si laborator didaktik dhe analizash shkencore.
- Laboratori i Kimisë. Përdoret si laborator didaktik.
- Laboratori i Mikrobiologjisë. Prodhim i vitit 2010.
- Laboratori i Prodhimit Shtazor. Përdoret si laborator didaktik.
- Laboratori i Agrokimisë. Te gjitha pajisjet prodhim i vitit 2015. Përdoret si laborator didaktik.
- Laboratori i Pedologjisë. Pajisjet janë prodhim i viteve 2006-2015. Përdoret si laborator didaktik.
- Laboratori i Mbrojtjes së bimëve që shërben për studimin e patogjeneve bimore. Përdoret si laborator didaktik.
- Laboratori i bimeve të arave. Përdoret si laborator didaktik.
- Laboratori i perimtarise. Përdoret si laborator didaktik.
- Laboratori i frutikulturës. Përdoret si laborator didaktik.
- Laboratori i seleksionimit dhe prodhimit të farërave. Përdoret si laborator didaktik.
Në dispozicion të studentëve janë vendosur edhe laboratori i analizave të standardeve pranë AREB (Agjensia Rajonale e Ekstensionit Bujqësor) dhe AKU (Autoriteti Kombëtar i Ushqimit).
Në ndihmë të procesit mësimor dhe kërkimor e shkencor Fakulteti ka edhe njësinë EDE (Ekonomia Didaktike Eksperimentale) me 15 ha tokë, e cila shërben për kryerjen e praktikave mësimore si dhe të punës kërkimore e shkencore që bëjnë pedagogët e studentët e tij.
Fakulteti i Bujqësisë ka bashkëpunime me institucione mësimore dhe shkencore brenda e jashtë vendit. Ky bashkëpunim lidhet me pjesëmarrjen e Fakultetit tonë si partner aktiv dhe serioz në projekte ndërkombëtare me fakultetet homologe të universiteteve të shumë vendeve perëndimore, si të Kosovës, Italisë, Greqisë, Maqedonisë, Francës, Rumanisë, Turqisë, etj.
Do të veçonim këtu kontaktet e vazhdueshme të stafit akademik në fushën e mësimdhënies dhe atë të kërkimit shkencor me TEI Selanik, Kozan, Follorinë (Greqi), Universitetin e Bitolës në Maqedoni, Fakultetin e Bujqësisë dhe Veterinarisë të Prishtinës, Kosovë, Fakultetin e Teknologjisë Ushqimore në Tetovë, Maqedoni, Universitetin e Barit, Itali, Universitetin e Zagrebit, Kroaci, e shumë universitete të tjera me të cilët ky Fakultet ka qenë partner në disa projekte TEMPUS, ku pedagogët e këtyre fakulteteve kanë dhënë përvoja mësimore e shkencore si dhe leksione të ndërsjellëta. Në këto bashkëpunime e shkëmbime përvojash janë trajtuar probleme të cilat shqetësojnë sot bujqësinë tonë si në fushën e pemëtarisë, bioenergjisë, mbrojtjes së mjedisit, përmirësimit të kurrikulave mësimore dhe të programeve tona të studimit.
DEPARTAMENTI I AGRONOMISË
Misioni ynë është pjesë e misionit të Universitetit “Fan S.Noli”, Korçë, dhe ndahet në dy
komponentë specifikë për Departamentin.
a. Mësimi: Garantojmë mundësi për studentët të mësojnë mbi teknikat dhe teknologjitë e
kultivimit të kulturave bujqësore, zhvillimin e qëndrueshëm bujqësor, agromjedisin,
përmirësimin gjenetik, mbrojtjen e bimëve, etj si dhe implementimin e protokolleve për
shkaktarët e dëmtimeve në kulturat bujqësore, sipas standarteve të BE-së.
b. Kërkimi: Synojmë që nëpërmjet kërkimit bazë dhe të aplikuar, të përmirësojmë dhe të
ngremë në një nivel më të lartë, teknikat dhe teknologjitë e kultivimit të kulturave bujqësore,
zhvillimin bujqësor, agromjedisin, performancën e mbrojtjes së bimëve, duke pasur në fokus
zhvillimin e qëndrueshëm dhe sigurinë ushqimore.
1 Të përgatisë specialistë të aftë për të përballuar sfidat e teknikave dhe teknologjive të kultivimit
të kulturave bujqësore, praktikave të ruajtjes së pjellorisë së tokës, përmirësimit gjenetik të
farave, shërbimeve bujqësore etj, si në sektorin privat ashtu dhe në atë publik.
2 Të nxisë aktivitetet mësimore, dhe kërkimore.
3 Të zhvillojë bashkëpunimin me institucione rajonale, kombëtare dhe ndërkombëtare të mësimit e kërkimit, për të nxitur impaktin pozitiv të Departamentit në të ardhmen e Fakultetit, Universitetit
dhe vendit tonë.
- Prof. as. dr. Besnik Skënderasi (CV) - Përgjegjës i Departamentit të Agronomisë
- Prof. dr. Robert Damo (CV) - Pedagog
- Dr. Pirro Icka (CV) -Pedagog
- Prof. as. dr. Adrian Maho (CV) - Pedagog
- Prof. as. dr. Nikollaq Roshanji (CV) - Pedagog
- Prof. as. dr. Nevruz Zeka (CV) - Pedagog
- Msc. Bashkim Hazisllari (CV) - Pedagog
DEPARTAMENTI I AGROUSHQIMIT
Misioni i Departamentit Agroushqim është pjesë e misionit të FB-së dhe ndahet në dy komponentë
specifikë:
Mësimi: Të përgatisë specialistë të kualifikuar të aftë të përballen me sfidat e kohës për të drejtuar
dhe organizuar ndërmarrje Agroushqimi. Të përgatisë specialistë të aftë për të organizuar një
biznes të vogël dhe të mesëm nga pikëpamja e agroushqimit. Të përgatisë një brez punonjësish me
vizione në të ardhmen për të garantur administrimin e ndërrmarjeve të vogla e të mesme me profil
europian.
Kërkimi : Të synojë që nëpërmjet kërkimit bazë dhe të aplikuar, të përmirësojë dhe të ngrejë në
një nivel më të lartë organizimin dhe administrimin e ndërrmarjeve të vogla e të mesme në fushën
e agroushqimit sipas standarteve që kërkon koha sot.
1. Të përgatisë specialistë të kualifikuar të aftë të përballen me sfidat e
kohës për të drejtuar linja dhe fabrika agro-përpunuese
2.Të përgatisë specialistë të aftë për të punuar në pika doganore si
inspektorë të cilësisë të produkteveushqimore
3.Të përgatisë specialistë agroushqimorë për përgatitjen e pedagogëve të
rinj pranë institucionevearsimore të mesme e të larta.4.Të përgatisë specialistë me vizione për të ardhmen, për të drejtuar linja
dhe fabrika të përpunimitagroushqimor si të frutave dhe perimeve dhe produkteve blegtorale.5.Të nxisë aktivitete mësimore e kërkimore dhe të zhvillojë bashkëpunimin
me institucionekombëtare dhe ndërkombëtare në fushën e mësimit, kërkimit me interes
kombëtar dhendërkombëtar.
DEPARTAMENTI I AGROBIZNESIT
Misioni i Departamentit Agrobiznes është pjesë e misionit të FB-së dhe ndahet në tre komponentë
specifikë:
Mësimi : Të përgatisë specialistë të kualifikuar të aftë të përballen me sfidat e kohës për të drejtuardhe organizuar ndërmarrje Agrobiznesi. Të përgatisë specialistë të aftë për të organizuar një biznestë vogël dhe të mesëm nga pikëpamja e drejtimit menaxherial. Të përgatisë një brez punonjësishme vizione në të ardhmen për të garantur administrimin e ndërrmarjeve të vogla e të mesme meprofil Europian.
Kërkimi: Të synojë që nëpërmjet kërkimit bazë dhe të aplikuar, të përmirësojë dhe të ngrejë nënjë nivel më të lartë organizimin dhe administrimin e ndërrmarjeve të vogla e të mesme në fushëne agrobiznesit sipas standarteve që kërkon koha sot.
Ekstensioni: Të interpretojë dhe shprehë në një gjuhë të kuptueshme rezultatet e kërkimit, si nëlaborator ashtu dhe në fermë dhe të lehtësojë edukimin e menaxherëve, prodhuesve dhekonsumatorëve të produkteve bujqësore.
1. Të përgatisë specialistë të kualifikuar dhe të aftë të përballen me sfidat e kohës për të
drejtuar dhe menaxhuar ndërmarrje agrobiznesi dhe për të garantuar politika bashkëkohore
të Zhvillimit Rural në Rajon dhe më gjerë.
2. Të përgatisë specialistë të kualifikuar dhe të aftë për Integrimin e bujqësisë nga një bujqësi
artizanale në një bujqësi të mbështetur në industri dhe shërbime për tu bërë ballë sfidave të
një konkurence globaliste.
3. Të përgatisë specialistë të kualifikuar dhe të aftë për shfrytëzimin dhe manaxhimin e
burimeve natyrore dhe vënien e tyre në interes të prodhimit dhe rritjes së të ardhurave.
4. Të përgatisë specialistë të kualifikuar dhe të aftë për përmirësimin dhe transformimin e
strukturave prodhuese, për të mundësuar kalimin e fermave shqiptare nga faza e prodhimit
për vetëkonsum në atë me qëllim fitimi dhe orjentimi nga tregu.
5. Të nxisë aktivitete mësimore e kërkimore dhe të zhvillojë bashkëpunimin me institucione
kombëtare dhe ndërkombëtare në fushën e mësimit dhe kërkimit në interest të institucionit
dhe vendit tonë.
MISIONI
Misioni dhe Vizioni
Në përputhje me misionin e tij, Fakulteti i Bujqësisë i Universitetit “Fan S.Noli” Korçë, në të gjithë veprimtarinë e tij mësimore ka synuar që nëpërmjet programeve të studimit që ofron, të kontribuojë në rritjen e standardeve akademike e shkencore, si dhe në përgatitjen e specialistëve të aftë në të gjitha fushat, sipas programeve të studimit që ai ofron. Drejtimet kryesor të veprimtarisë mësimore për autoritetet drejtuese dhe stafin akademik të Fakultetit të Bujqësisë kanë qenë dhe janë konsolidimi i programeve egzistuese në të tre ciklet e studimit në funksion të zgjerimit të fushës së zgjedhjes për nevojat që paraqet tregu i punës në rajonin e Korçës dhe më gjerë. Stafi drejtues i Fakultetit dhe pedagogët e tij kanë punuar për përshtatjen e infrastrukturës didaktike e shkencore me kërkesat që dalin për konsolidimin dhe përmirësimin cilësor të të gjitha programeve të studimit, në mënyrë që të rritet interesi i studentëve për të studjuar në këto programe që ofron Fakulteti i Bujqësisë.
Fakulteti i Bujqësisë aktualisht ofron:
- 4 programe studimi Bachelor,
- 3 programe profesionale studimi 2 vjeçare,
- 3 programe studimi Master Profesional,
- 1 program studimi Master Shkencor, si dhe
- 1 program studimi Doktoraturë
Këto programe studimi përbëjnë njëkohësisht një sfidë për stafin akademik dhe autoritetet drejtuese të Fakultetit, të cilët kanë punuar vazhdimisht në lidhje me përshtatshmërinë e programeve të studimit sipas ndryshimeve që sugjerojnë zhvillimet ekonomiko-shoqërore të rajonit, rritjen sasiore dhe cilësësore të prurjeve studentore në vitin e parë dhe për përshtatjen e cilësisë së mësimdhënies në varësi të nevojave që ata kanë, përdorimin e standardeve evropiane të mësimdhënies dhe sidomos nxitjen e të nxënit gjatë gjithë jetës, si dhe ruajtjen e një raporti më të drejtë pedagog/student në Fakultet.
Pedagogët e Fakultetit të Bujqësisë bëjnë përpjekje të vashdueshme për të ofruar një mësim sa më cilësor, duke i ofruar studentëve të tyre standarde bashkëkohore në mësimdhënie.
Konkretisht:
Departamenti i Agrobiznesit është një nga tre njësitë bazë që ka Fakulteti i Bujqësisë. Misioni i këtij departamenti është i lidhur me Misionin e Fakultetit të Bujqësisë, i cili si Institucion i Arsimit të Lartë e mbështet misionin e vet në dy shtylla; Veprimtaria mësimore dhe veprimtaria kërkimore – shkencore.
Departamenti i Agrobiznesit ka si mision:
- Të formojë specialistë të lartë në përputhje me prioritetet e zhvillimit të Rajonit dhe më gjerë.
- Të mbështesë prioritetet strategjike dhe interesat e zhvillimit të Rajonit;
- Të integrojë mësimdhënien me kërkimin shkencor.
Ky departament aktualisht ofron tre programe studimi:
- Programi i studimit “Agrobiznes” Bachelor.(DNP)
- Programi profesional 2 vjeçar “Menaxhim Biznesi Bujqësor”
- Program studimi Master Profesional në “Zhvillimin e Integruar Rural” (DND).
Departamenti i Agroushqimit ka si mision:
- Të përgatisë specialistë të kualifikuar të aftë të përballen me sfidat e kohës për të punuar në linja dhe fabrika agro-përpunuese.
- Të përgatisë specialistë të aftë për të punuar në AKU, si dhe në pika doganore si inspektorë të cilësisë të produkteve ushqimore.
- Të përgatisë specialistë dhe kërkues për të punuar në institucione kërkimore-shkencore si dhe lektorë të rinj në institucione arsimore të mesme e të larta.
- Të përgatisë një brez punonjësish me vizione në të ardhmen për të drejtuar linja dhe fabrika të përpunimit agro-ushqimor si të frutave dhe perimeve dhe produkteve laktologe.
- Të mbështesë prioritetet strategjike dhe interesat e zhvillimit të Rajonit;
Ky Departament ofron tre programe studimi:
- Programi i studimit “Agroushqim” Bachelor. (DNP)
- Programi profesional 2 vjeçar “Menaxhim Veterinar”
- Programi Master Profesional në “Cilësia dhe Siguria Ushqimore”
Departamenti i Agronomisë ka si mision:
- Të përgatisë specialistë bujqësie të kualifikuar të aftë të përballen me sfidat e kohës për të orientuar fermerët dhe fermat e tyre drejt një bujqësie intensive dhe të përparuar.
- Të përgatisë specialistë bujqësie të aftë për të punuar në të gjitha nivelet që kërkon bujqësia shqiptare.
- Të mbështesë prioritetet strategjike dhe interesat e zhvillimit bujqësor të Rajonit;
- Të integrojë mësimdhënien me kërkimin shkencor në fushën e bujqësisë.
Ky departament ofron pesë programe studimi:
- Programi i studimit “Inxhinieri agronomike” Bachelor. (DNP)
- Programi i studimit “Mjekësi e Bimëve dhe Hortikulturë” Bachelor (DNP)
- Programi profesional 2 vjeçar “Teknika të Prodhimit të Farave dhe Fidanave”
- Programi Master Shkencor në “Mjekësi të Bimëve”
- Programi Master Profesional në “Inxhinieri Agrare, profili Hortikulturë”
Sfida për stafin akademik të Fakultetit mbetet puna e pandërprerë kryesisht për:
- Përshtatjen e programeve të studimit sipas ndryshimeve që diktojnë zhvillimet social -ekonomike të Rajonit dhe më gjerë,
- Rritjen e sasisë dhe cilësë të prurjeve studentore në vitin e parë të studimeve,
- Përshtatjen e cilësisë së mësimdhënies në varësi të nevojave dhe nivelit që ata kanë,
- Përdorimin e standardeve evropiane të mësimdhënies,
- Nxitjen e të nxënit gjatë gjithë jetës,
- Ruajtjen e një raporti edhe më të drejtë pedagog/student në Departament.
Objektivat Strategjike
Objektivat Strategjike
Fakulteti i Bujqësisë i ka shprehur objektivat e tij në mënyrë të detajuar në Planin Strategjik të Zhvillimit të Fakultetit (2016-2020) i cili u hartua mbështetur në Strategjinë e zhvillimit të UNIKO-s, në Planet Strategjike të Departamenteve të tij, si dhe nga rekomandimet e lëna nga ASCAL-i pas Vlerësimit Institucional të Universitetit tonë.
Objektivat e Fakultetit paraqiten sipas një strategjie, e cila mbështetet në dy fusha strategjike bazë: Edukimi dhe Kërkimi Shkencor.
Në fushën e edukimit objektivat strategjike janë:
Objektivi 1.Përmirësmi i cilësisë së programeve të studimit, rezultateve të të nxënit dhe profilet e të diplomuarve edhe në raport me nevojat e individëve dhe shoqërisë.
Për këtë si objektiva bazë ishin:
1.1.Ristrukturimi i programeve të studimit sipas kërkesave të MASR mbi bazën e udhëzimeve dhe standardeve të kërkuara nga Ligji Nr. 80/2015.
1.2.Nxitja e frekuentimit të rregullt të studimeve për të siguruar vlerësim rigoroz.
1.3.Përmirësimi i cilësisë dhe efikasitetit të kompetencave të fituara.
1.4.Lidhja me tregun e punës.
Treguesit e realizimit të këtyre objektivave bazë janë:
- Riorganizimi i njësive bazë. Janë ngritur grupet e punës për kërkimin shkencor dhe kurrikulat.
- Unifikimi i formateve të rregulloreve të programeve të studimit dhe i syllabuseve, për modulet e lëndëve përkatës në ҫdo program.
- Rritja e përqindjes së studentëve të regjistruar nga zona jashtë rajonit të Korçës.
Objektivi 2. Çelja e programeve të reja dhe ristrukturimi i programeve egzistuese në përmbushje të kërkesave të tregut.
Për këtë objektiv u arrit:
2.1 Çelja në çdo departament e një programi 2-vjeçar, e cila pati si synim tërheqjen e kontingjenteve që kanë përfunduar shkollën e mesme, por nuk kanë mundur të fitojnë të drejtën e studimit në shkollën e lartë që ishte një hap mjaft i suksesshëm, sepse solli mjaft prurje të reja.
2.2. Ristrukturimi i programeve egzistuese në përmbushje të kërkesave të tregut. Në këtë kuadër janë bërë mjaft përmirësime si në programet Bachelor ashtu edhe në programet Master Profesional që mbulon fakulteti.
Objektivi 3. Përmirësimi i kurrikulës me bazë rezultatet e të nxënit.
Për këtë si objektiva bazë ishin:
3.1.Ristrukturimi i kurrikulave universitare me bazë kompetencat.
3.2. Përmirësimi i metodave të mësimdhënies.
3.3. Krijimi i një mjedisi frymëzues pune dhe mësimi, duke u përqendruar te mësimdhënia me në qendër studentin, si një mënyrë për të fuqizuar studentin në të gjitha format e edukimit, duke ofruar zgjidhjen më të mirë për rrugë të të mësuarit të qëndrueshëm dhe fleksibël.
Objektivi 4. Përmirësimi i shërbimeve në mbështetje të studentit për të rritur cilësinë e studimeve dhe jetës studentore.
Për këtë si objektiva bazë janë:
4.1 Përmirësimi i shërbimeve me qëllim që të garantohet rritja e cilësisë së studimeve dhe jetës studentore edhe nëpërmjet partneriteteve private dhe publike.
Treguesit e realizimit të këtij objektivi bazë janë:
- Përforcimi i rolit të Këshillit Studentor
- Organizimi i aktiviteteve artistike e sportive me studentët
- Angazhimi i studentëve në veprimtaritë shkencore të Fakultetit
Objektivi 5. Përmirësimi i cilësisë së mësimdhënies duke përdorur metodologji të reja (p.sh. mësimi elektronik, të nxënit nëpërmjet TIK-ut) dhe nxitja e kualifikimit të stafit akademik në përmirësimin e aftësive pedagogjike.
Për këtë si objektiva bazë janë:
5.1 Përmirësimi i njohurive të studentëve & zotërimi i tyre, rritja e të menduarit kritik, kalimi në metoda të reja të mësimdhënies larg formatit të ligjëratave të thjeshta, përparimi drejt një sistemi vlerësimi objektiv (p.sh. i bazuar në kompetencë, aktiv/të aplikuar etj.).
Treguesit e realizimit të këtij objektivi bazë ishin:
- Trajnimi i stafit akademik.
- Integrimi nga stafi akademik i teknologjive të reja në procesin e mësimdhënies.
- Përditësimi nga stafi mësimdhënës i njohurive me zhvillimet më të fundit në metodat e të mësuarit dhe të nxënit.
Megjithë punën e mirë që është bërë deri tani nga drejtuesit dhe stafi akademik i Fakultetit për realizimin e objektivave strategjike dhe objektivave bazë, ka ende shumë punë për të bërë sipas treguesve të Planit Strategjik të Zhvillimit të Fakultetit, sepse vihet re se numuri i studentëve të regjistruar në dy vitet e fundit është i ulët, ndaj duhet që të përqëndrohet puna në:
- Monitorimin e ecurisë së studentëve dhe në ndihmesën konkrete ndaj tyre.
- Angazhimi i studentëve në veprimtaritë shkencore,
- Prritja e përqindjes së studentëve të kënaqur me kurrikulën dhe metodat e mësimdhënies.
- Tërheqja e mendimit të studentëve mbi metodat e përdorura nga pedagogët etj.
- Shfrytëzimi i EDE-së si qendër mbështetëse për realizimin e programeve mësimore të praktikave profesionale, etj.
- Tërheqja herë pas here e mendimit të studentëve nëpërmjet pyetësorëve për çdo program studimi, me qëllim vlerësimin dhe përmirësimin e cilësisë të lëndëve (moduleve) si dhe mësimdhënien e çdo pedagogu.
FAKULTETI I BUJQËSISË
Njësia e Sigurimit të Brendshëm të Cilësisë (NJSBC) u fut në strukturën e Universitetit si një njësi e re, pas miratimit që bëri Këshilli i Administrimit të Universitetit “Fan S. Noli” me Vendimin Nr.2 dt. 06.05.2008. Senati i Universitetit me Vendimin nr. 33, datë 17.11.2009 vendosi ngritjen e kësaj njësie si dhe përbërjen e saj. Ajo funksionon në zbatim të Nenit 103 në Ligjin nr. 80/2015 “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë” si dhe sipas kritereve të përcaktuara në Nenit 73 dhe 74 të Kreut IX “Sigurimi i Cilësisë” të Statutit të Universitetit “Fan S. Noli”. Njësia e Sigurimit të Brendshëm të Cilësisë ka në përbërje të saj një koordinator nga çdo njësi kryesore. Pranë çdo njësie kryesore ngrihet Grupi i Vlerësimit të Brendshëm me përfaqësim nga çdo njësi bazë dhe nga organizimet studentore.
Njësia e Sigurimit të Brendshëm të Cilësisë për Fakultetin e Bujqësisë (ku përfshihen Koordinatori dhe Grupi i Vlerësimit të Brendshëm) ka këtë përbërje:
Dr. Aldona Minga (Përgjegjës)
Dr. Sulltanë Ajçe
Dr. Adrian Maho
Student: Kostika Burda
BIBLIOTEKA
Biblioteka e Fakultetit ka një fond prej rreth 1400 tituj librash dhe rreth 17 tituj revistash e periodikësh në shqip e gjuhë të huaja.
Qendra për Formimin e Vazhduar
Raporte
Akreditimi i Programeve
PROGRAME STUDIMI NË PROCES AKREDITIMI
“Bachelor” në “Agroushqim”“Bachelor” në “Inxhinieri Agronomike”
Dekanati
Dekanati në institucionet e arsimit të lartë është organ kolegjial që drejtohet nga dekani dhe përbëhet nga: a) dekani; b) zëvendësdekanët; c) administratori i njësisë kryesore; ç) drejtuesit e njësive bazë; d) autoritete të tjera të përcaktuara në statutin e institucionit të arsimit të lartë.
Zëvendësdekanët janë anëtarë me kohë të plotë të personelit akademik. Ata emërohen dhe shkarkohen nga dekani, sipas përcaktimeve të bëra në statutin e institucionit të arsimit të lartë.
Dekanati harton planin strategjik të zhvillimit të njësisë kryesore, mbështetur në propozimet e njësive bazë të tij, si dhe ato të administratorit të njësisë kryesore. Dekanati koordinon veprimtarinë e njësive bazë. Funksionet e dekanatit përcaktohen në statutin dhe rregulloret e institucionit të arsimit të lartë.
Prof. as. dr. Gjergji Mero
Prof. as. dr. Besnik Skënderasi-Përgjegjës i Departamentit të Agronomisë
Prof. as. dr. Gjergji Papa- Pergjegjëse e Departamentit të Agroushqimit
Dr. Ilir Sosoli-Pergjegjës i Departamentit të Agobiznesit
Stafi Akademik
|
|
|
Stafi Ndihmësmësimor dhe Administrativ
Ndihmësja e Dekanit
Përgjigjet për zbatimin korrekt të detyrave të lëna nga Dekani. Ndihmon në përgatitjen e materialeve për Dekanin dhe dërgimin e tyre në destinacion, merr dhe tejçon informacion dhe porosi brenda e jashtë fakultetit për problematika të ndryshme, ndjek realizimin e porosive të Dekanit për stafin akademik e administrativ. Ndihmësja e Dekanit përgjigjet për korrespondencën nga protokolli, procesverbalet e mbledhjeve të dekanatit, administrimin e vulës së fakultetit si dhe koordinon takimet e Dekanit me punonjësit, studentët, partnerët, publikun etj.
Znj. Ermena Hoxha- Asistente e Dekanit
Tel: +355 82248945
e-mail: ehoxha@unkorce.edu.al
e-mail: ermena.hoxha@hotmail.com
Sekretaria mësimore & Zyra e informimit të studentëve
Sekretaria Mësimore dhe Zyra e informimit dhe orientimit të studentëve janë përgjegjëse për menaxhimin e procesit të regjistrimit të studentëve. Zyra e Sekretarisë Mësimore është përgjegjëse për rregullimin, monitorimin dhe arkivimin e çdo regjistrimi, informacioni, dokumenti ose transkripti lidhur me studentët. Sekretaritë mësimore kanë përgjegjësi për hedhjen, administrimin dhe ruajtjen e të dhënave mësimore të studenteve dhe të procesit mësimor dhe në mënyrë të veçantë kanë përgjegjësi për plotësimin e regjistrit bazë të studentëve. Kjo njësi është një strukturë racionale për të përmbushur sa më mirë detyrat e organizimit të procesit mësimor të fakultetit, në shërbim të studentëve dhe të stafit akademik
Znj. Milika Ndini- Kryesekretare
Tel: +355 822 48945
e-mail: mndini@unkorce.edu.al
Znj. Brunilda Daçi- Specialiste Biblioteke
Znj. Feskë Hoxha - Laborante/sekretare Departamenti
Znj. Marsilda Agolli - Laborante/sekretare Departamenti
Znj. Alketa Grabocka -Laborante/sekretare departamenti
Lista e Këshillit Studentor
- KRYETAR
- SEKRETAR
- KËSHILLI STUDENTOR I FAKULTETIT TË BUJQËSISË
Kodhel Zere
(kodhel@hotmail.com
Agathula Ngjela
Aleksander Bardhi
Eleni Muska - Kryetar
Elion Shkembi
Kejdi Hasani
Manuali
Kontakte
Dr. Aldona Minga (Përgjegjës)
e-mail: aminga@unkorce.edu.al