DEPARTAMENTI I FINANCË – KONTABILITET

Departamenti i Financë-Kontabilitetit është themeluar në vitin 2008. Eshtë një prej tre njësive bazë të Fakultetit të Ekonomise dhe është organizuar në përputhje me Statutin e UNIKO. Departamenti i Financë-Kontabilitetit është rritur në mënyrë të vazhdueshme, si për nga programet e studimit që ofron në dy cikle studimi, ashtu dhe për kapacitetin e pranimit të studentëve, duke u renditur si departamenti me numrin më të madh të studentëve në Fakultetin e Ekonomisë.
Stafi akademik i departamentit Financë-Kontabilitet përbëhet nga 14 pedagogë të fushave financë, kontabilitet, bankë dhe ekonomiks. Stafi i departamentit ka një nivel të lartë kualifikimi. Ai është i përbërë nga pesë profesorë të asociuar, shtatë doktorë shkencash, një doktor në proces dhe një anëtar që mban titullin “Master i Shkencave”. Si pjesë e stafit janë angazhuar edhe ish-studentë të këtij fakulteti, të cilët janë diplomuar me rezultate të larta në të dy ciklet e studimit.
Departamenti i Financë-Kontabilitetit ofron gjithsej pesë programe studimi: dy programe studimi në ciklin e studimeve “Bachelor”, dy programe studimi në ciklin e dytë të studimeve “Master Profesional” dhe një program studimi në ciklin e dytë të studimeve, “Master i Shkencave”. Departamenti ka realizuar me sukses diplomimin e një numri të madh studentësh në të dyja ciklet e studimeve që ofron.