Në datën 27 nëntor 2024 në mjediset e UNIKO u zhvillua veprimtaria ndërgjegjësuese me temë: “Së bashku mund të luftojmë për një shoqëri të lirë nga dhuna dhe të ndërtojmë një të ardhme më të sigurt për të gjithë”, në kuadër të fushatës “16 Ditë Aktivizëm Kundër Dhunës ndaj Grave dhe Vajzave”.

Në këtë takim të zhvilluar nga shoqata “Unë Gruaja” gjatë diskutimeve u trajtua tema “Sfidat e prindërve të fëmijëve me Spektrin e Autizmit” nën moderimin e Eliona Kalemajt, si dhe me pjesëmarrje nga Qendra Komunitare Maliq, prindër të fëmijëve me aftësi ndryshe të qendrës “KIDC&YOUTH LAB” dhe studentë të departamentit të Shkencave Sociale.