16 tetor 2025-Edukimi i të rinjve për të qenë klientë të një banke të nivelit të dytë, ishte në fokus të një trajnimi që zhvilloi me studentët, znj. Monika Dishnica drejtore pranë Bankës Kombëtare Tregtare, Dega Korçë.

Në këtë trajnim ishin të pranishëm studentë të Fakultetit të Ekonomisë, të cilët treguan interes për shërbimet që ofron banka dhe kryesisht për kreditë.

Trajnimi u zhvillua në mjediset e Fakultetit të Ekonomisë, Universiteti “Fan S. Noli” dhe erdhi në kuadër të paketës Qendrueshmeria dhe Qendra SMART, të projekti Erasmus+ SMART, i cili ka për qëllim të nxitë inovacionin SMART në Ballkanin Perëndimor.