Në datën 20 maj 2025 studentët e Universitetit “Fan S. Noli” u angazhuan me entuziazëm në këtë ditë sportive të mbushur me energji dhe frymë garuese.

Veprimtaria e organizuar me nismën e #KëshillitStudentor, UNIKO bëri bashkë studentë nga të katër fakultetet në disa ndeshje volejbolli (vajza dhe djem) dhe futbolli (djem).

Pas përballjeve emocionuese dhe një atmosfere të ngrohtë të krijuar mes tyre, veprimtaria u përmbyll me ndarjen e medaljeve për fituesit.

Kryetarja e KS, Fjorela Bajraktari falënderoi dhe përgëzoi të gjithë studentët pjesëmarrës për angazhimin dhe shpirtin sportiv, ndërsa u shpreh se veprimtari të tilla synojnë të gjallërojnë jetën studentore, duke e plotësuar përvojën akademike me veprimtari sportive dhe kulturore që forcojnë ndjenjën e bashkëpunimit, komunitetit dhe mirëqenies në mjedisin universitar.