QENDRA E KARRIERËS DHE ALUMNI - AKTIVITETE
  • STUDENTËT E UNIKO MORËN PJESË NË TAKIMIN INFORMUES “NJË HISTORI 30-VJEÇARE - NGA ERASMUS NË ERASMUS+”

    Në datën 18 tetor 2018, në mjediset e Qendrës Rinore, u zhvillua takimi informues “Një histori 30-vjeçare-nga Erasmus në Erasmus+”. Në takimin e organizuar nga Bashkia e Korçës dhe shoqëria civile morën pjesë studentë të UNIKO, të cilët u njohën me Programin Erasmus+ dhe mobilitetet e ofruara prej tij. Përgjegjësi i Qendrës së Karrierës dhe Alumni, z. Romeo Terolli, tha se Universiteti i Korçës do të jetë vazhdimisht në mbështetje të studentëve që duan të aplikojnë në programin Erasmus+. Gjatë takimit të rinjtë bënë pyetje dhe diskutuan në lidhje me mbështetjen që ky program ofron në fushat e arsimit, trajnimit, rinisë dhe sportit.

  • STUDENTËT E UNIKO PJESËMARRËS NË KONFERENCËN BALLKANIKE TË SOFJES

    Në datën 20 prill 2018, 17 studentë të Universitetit “Fan S. Noli” të Korçës morën pjesë në Konferencën XVIII Ndërkombëtare mbi Studimet Ballkanike, e mbajtur në Universitetin "Shën Kliment Ohridski" të Sofjes, Bullgari. Studentët u paraqitën me punime të ndryshme për gjuhët ballkanike, të cilat i referuan gjatë kësaj konference, ku patën mundësi të njihen dhe të ndajnë përvojat me bashkëmoshatarët e tyre, të cilët studiojnë në Katedrën Ballkanike të Gjuhëve në këtë Universitet.

  • WUS PREZANTOI BURSAT SUR-PLACE PËR STUDENTËT E UNIKO

    Në datën 12 prill 2018, “World University Service of Germany” (WUS), në bashkëpunim me Qendrën e Karrierës dhe Alumni të Universitetit “Fan S. Noli” të Korçës, organizuan një takim informues me studentët më të mirë të viteve III Bachelor dhe viteve I- II Master. Eda Terezi, përfaqësuese e këtij programi, tha se WUS, mbështet studentët më cilësorë dhe synon t`i afrojë ata me tregun e punës. Në këtë takim u dhanë informacione për mënyrën e aplikimit dhe dokumentacionin që duhet plotësuar, ndërsa studentët fitues të këtyre bursave, vitin e kaluar, sollën eksperiencën e tyre nga praktika profesionale. Qendra e Karrierës dhe Alumni e Universitetit “Fan S. Noli” do të jetë vazhdimisht në mbështetje të studentëve duke i orientuar dhe informuar në lidhje me aplikimin, i cili fillon në muajin maj dhe mund të bëhet online në adresën: http://www.wusgermany.de/en.

  • 4 STUDENTË TË UNIKO, FITUES TË BURSAVE SUR-PLACE OFRUAR NGA WUS, PËRFUNDUAN ME SUKSES PRAKTIKAT PROFESIONALE

    Përfunduan më sukses praktikat profesionale për 4 studentë të Universitetit të Korçës, fitues të bursave Sur-Place ofruar nga World University Service (WUS). Nëpërmjet kësaj burse, studentët përfituan një ndihmë ekonomike prej 250 euro në muaj, për të kryer një praktikë profesionale 6- mujore në një prej institucioneve publike ose private në vend. Gjatë vitit 2017 nga UNIKO aplikuan për këto bursa 17 studentë, prej të cilëve, 4 u shpallën fitues: Sabina Çano, Florentina Qorri, Marinela Bogdani dhe Ranja Lako. Edhe për vitin 2018 studentët e UNIKO, do të kenë mundësi të aplikojnë dhe të jenë përfitues të bursave Sur-Place.

Pages