DEPARTAMENTI I HISTORI- GJEOGRAFISË ZHVILLOI SEMINARIN III SHKENCOR NË HISTORINË BASHKËKOHORE TË SHQIPËRISË

Në datën 3 nëntor Departamenti i Histori– Gjeografisë zhvilloi Seminarin III Shkencor në Historinë Bashkëkohore të Shqipërisë, në bashkëpunim me Departamentin e Shkencave Politiko- Administrative të Albania University. Gjatë seminarit u fol për një ngjarje të rëndësishme historike për rajonin e Korçës dhe gjithë Shqipërisë, atë të Shpalljes së Krahinës Autonome të Korçës. Në këtë takim u promovua edhe botimi i prof. dr. Kaliopi Naska “Vetëqeverimi i Korçës sipas të Përkohshmeve “Gazet` E Korçës” dhe “Adriatiku”. Në fjalën e tij shefi i Departamentit PhD. Metin Venxha tha se falë punës hulumtuese të profesores, ky botim me fotografi ilustruese e dokumenta arkivore, sjell fakte e zbulime të reja si dhe bën një riinterpretim të ngjarjeve të viteve 1916-1918. Pedagogu dr. Orjon Ago foli për rolin e komuniteteve fetare në vetëqeverimin e Korçës, rasti i klerikëve bektashinj, ndërsa  zv.dekania dr. Alba Kreka u ndal tek  roli i Greqisë nga lëvizja Vorio-Epiriote deri tek Krahina Autonome e Korçës.