DEPARTAMENTI I HISTORI- GJEOGRAFISË ORGANIZOI PROMOVIMIN E MONOGRAFISË DOKUMENTARO- HISTORIKE “DEVOLLI, RRËNJËT DHE ZHVILLIME HISTORIKE” TË AUTORIT HYSEN KOÇILLARI

Në datën 6 nëntor në sallën “Jorgo Bulo” të FEF, Departamenti i Histori- Gjeografisë organizoi një veprimtari për promovimin e monografisë dokumentaro- historike “Devolli, rrënjët dhe zhvillime historike” të autorit Hysen Koçillari. Përgjegjësi i departamentit PhD. Metin Venxha u shpreh se ky botim vjen pas një pune gati 20- vjeçare të autorit, i cili me pasion e këmbëngulje hulumtoi e solli një pasqyrim historik mjaft të çmuar për zonën e Devollit. Për autorin Hysen Koçillari ky është libri i dytë i triptikut “Të njohim Devollin”, me të cilin synon të sjellë sa me shumë informacione për origjinën e të parëve të tij . Prof. as. dr. Bashkim Jahollari bëri një përmbledhje historike të librit, ndërsa pedagogë e studiues të ftuar folën për të dhënat, faktet konkrete si edhe për vlerat që sjell ky botim.